No marco dunha folga global que clama polo futuro do planeta xurde “Réquiem”, unha obra realizada polo colectivo Las Viudas del Planeta e que forma parte da segunda edición do Festival de Instalacións Artísticas no contexto urbano do Barco, enBarcArte.
De maneira directa e crúa lánzase un claro SOS polo planeta terra a través de catro televisións que recrean un rostro e explican a problemática ambiental deste momentos, ademais de facer unha chamada para mudar a situación. Esta é a única instalación dun colectivo neste segundo enBarcArte, no que poden verse un total de oito obras na rúa. O festival prolongarase ata o vindeiro 29 de setembro.
Fotos: Carlos G. Hervella.
Tres das promotoras de Las Viudas del Planeta explican neste vídeo a súa motivación e a da obra “Réquiem”.