Os test de detección de Covid-19 que se lles realizaban aos usuarios e persoal (incluído o de cociña, que é un servizo externo) da residencia da terceira idade DomusVi Larouco veñen de dar resultados negativos, tal e como confirma a alcaldesa de Larouco, Patricia Lamela.
Estas probas realizábanse neste centro de maiores o 12 de abril, pero foi neste sábado 18 de abril cando se coñecían os resultados, que se recibían de maneira moi positiva en Larouco. “Estamos moi contentos e é un orgullo persoal, o que demostra é o traballo e o esforzo do persoal da residencia, pero isto tamén significa que non se pode baixar a garda”, di a rexedora de Larouco, un concello valdeorrés que, polo momento, segue libre de coronavirus.