Os alcaldes dos municipios ourensáns de Lobios e Carballeda de Avia, María del Carmen Yáñez Salgado e Luís Milia Méndez, respectivamente, reuníanse na mañá do 12 de novembro co conselleiro de Política Social, José Manuel Rey Varela, en San Caetano (Santiago).
Durante o encontro os rexedores ourensáns plantexaban diferentes cuestións no ámbito social relativas aos seus concellos e avanzábanlle ao conselleiro propostas para o seu estudo e posible encaixe dentro das liñas de traballo que ten en marcha a Consellería de Política Social.
Entre os asuntos tratados estivo, no que atinxe á mellora dos servizos de atención á cidadanía, a potenciación do Servizo de Axuda no Fogar (SAF). Outra cuestión foi a de buscar vías de colaboración entre administracións no ámbito da infancia, no camiño de ofertar máis recursos de conciliación para os pais e nais que viven no rural galego, tal e como se informa dende a Consellería de Política Social.