A cuarta edición do torneo de Mini Balonmán de Ribadavia terá lugar o vindeiro sábado, día 7 de setembro. Celebrarase na rúa Redondela, no entorno da Casa da Cultura de Ribadavia, entre as 17:00 e as 19:00 horas. Así, o seu obxectivo é o de “achegar este deporte a nenos e nenas con idades comprendidas entre os 5 e os 14 anos”.
Este torneo, que se enmarca nas Festas do Portal 2019, presentábase hoxe, 29 de agosto, da man do alcalde de Ribadavia, a concelleira de Cultura e os representantes da directiva do clube deportivo cultural Ribeiro, entidade organizadora do torneo.
