DeportesGalerías de fotosÚltima hora

A Ribeira Sacra, a ritmo de rallye

O 5º Rallye Ourense Ribeira Sacra, do campionato galego de asfalto 2016, desenvolvíase os días 4 e 5 de novembro

Por boa parte da provincia de Ourense discurría o 5º Rallye Ourense Ribeira Sacra. Esta proba, puntuable para o campionato galego de asfalto 2016, ten sido organizada pola Escudaría Luintra. Celebrábase os días 4 e 5 de novembro e contaba con 108 inscritos. O vernes tiñan lugar as verificacións técnicas na localidade de Luintra durante a tarde, e a pasada nocturna polo tramo de Castro de Beiro (5,12 quilómetros) en Ourense, a partir das 20 horas.

A xornada do 5 de novembro a proba desprazábase, durante a mañá, aos concellos de Maceda, Nogueira de Ramuín e Parada de Sil con dous tramos cronometrados. O primeiro era o de Loureiro-Caxide (11,60 quilómetros) e o segundo discorría por Maceda, onde se facían dúas pasadas ao tramo Baldrei-Maceda (12 quilómetros), pola zona urbana da localidade. Pola tarde desputábanse outros dous tramos cronometrados: dúas pasadas a San Miguel-Luintra (10 quilómetros) e Almorfe-Luintra (12 quilómetros).

Nestas imaxes o rallie ao seu paso pola localidade de Maceda.

Fotos: Clemente Pérez.

Artigos relacionados

Back to top button