Publicidade
ConcellosSan Xoán de RíoÚltima hora

Río acollerá a exposición “Gaitas Primitivas” do 15 de xullo ao 15 de setembro

Cada unha das súas pezas contará cun código QR no que o visitante poderá escoitar as explicacións sobre o instrumento a través dunha audioguía, ademais dun vídeo para ver como se toca e soa

Cartel da exposición.

 

Dende a tarde do vindeiro mércores 15 de xullo poderá visitarse en San Xoán de Río a exposición “Gaitas primitivas”, que permitirá descubrir ata 17 instrumentos deste tipo diferentes. Ademais a mostra destacará por unha singularidade tecnolóxica. “Por primeira vez este tipo de exposicións faranse dun xeito dixital e interactivo, porque a nosa cultura e as novas tecnoloxías deben ir da man para que o visitante teña unha mellor experiencia á hora de desfrutar desta colección”, destaca o alcalde de San Xoán de Río, Xosé Miguel Pérez Blecua.

Ademais, cada unha das pezas expostas contará cun “código QR no que o visitante poderá, por unha parte, escoitar as explicacións sobre o instrumento a través dunha audioguía (en galego, castelán ou inglés) e ademais terá un vídeo no que verá como se toca ese instrumento e escoitará o son que ten (un dos exemplos: https://gaitasprimitivas.com/ney-amban/ )”, prosegue o rexedor.

 

 

 

Pero as innovacións dixitais non rematan aquí, matiza Xosé Miguel Pérez. Unha vez finalizada a visita á mostra o público terá a “oportunidade de testar os coñecementos adquiridos nun “quiz” no que a través do seu móbil deberá contestar a varias preguntas para poder obter o diploma de ter completado a exposición con éxito e ademais os que máis puntos obteñan neste “quiz” serán premiados unha vez que remate a exposición”, adianta o rexedor.

O acto inaugural da mostra “Gaitas antigas” está previsto para o mércores 15 de xullo ás 18h. Esta exposición pertence á Real Banda de Gaitas da Deputación de Ourense e foi cedida por Xosé Lois Foxo.

Esta colección de instrumentos poderá visitarse en Río ao longo de dous meses, é dicir, ata o 15 de setembro. O horario para ver a mostra será de 10:00h. a 14:00h. e de 16:30h. a 19:30h. e para outros horarios ou fins de semana deberá reservarse visita a través do teléfono ou email do concello de San Xoán de Río debido á situación do COVID-19.

Ademais ao longo destes 2 meses, a exposición será complementada con distintas actuacións musicais, conferencias, etc, “convertendo a San Xoán de Río no referente da música tradicional galega neste verán”, destaca o seu alcalde.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close