ConcellosÚltima hora

Río iniciará os trámites para entrar no Consorcio de Turismo da Ribeira Sacra

Así se acordaba por unanimidade na sesión plenaria que a súa Corporación celebraba neste 3 de outubro

Imaxe dun pleno anterior en San Xoán de Río./ Foto cedida.

 

O Concello de San Xoán de Río iniciará en breve os trámites para a súa inclusión no Consorcio de Turismo Ribeira Sacra. A decisión tomábase por unanimidade na sesión plenaria que a súa Corporación celebraba ás 13h. deste xoves 3 de outubro.

Nesta sesión tamén saían adiante (por unanimidade dos edís da Agrupación de Electores de San Xoán de Río, PP e PSOE) a designación dos representantes municipais de Río na Mancomunidade das Terras do Navea Bibei, ademais da aprobación do convenio do lixo con Sogama e a elección dos festivos locais do ano que vén.

“Dado que o San Xoán é festivo a nivel galego e coincide en mércores, a proposta de festivos locais para o 2020 por parte da alcaldía eran as do 25 de febreiro (Martes de Entroido) e a do venres 7 de agosto (Festa do Emigrante), que foi aprobada”, explica o alcalde independente, Xosé Miguel Pérez.

Por outra banda, no punto de dación de decretos o grupo de goberno municipal informaba do labor realizado “nestes 2 meses e do traballo inmediato que se vai a realizar”, segundo o seu rexedor.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close