PolíticaÚltima hora

Roberto Quiroga, novo responsable comarcal do BNG en Valdeorras

Esta formación política vén de rematar o proceso de renovación deste órgano comarcal

O rues Roberto Quiroga, novo responsable comarcal do BNG, durante un acto./ Foto: Carlos G. Hervella.

 

A Asemblea Comarcal do Bloque Nacionalista Galego (BNG) de Valdeorras vén de anunciar a través dun comunicado que rematou o proceso de renovación da súa dirección coa elección “por unanimidade” dun novo Consello Comarcal que, a partir de agora, pasa a estar encabezado polo rues Roberto Quiroga López, quen sucede no cargo a Suso Vilasánchez, concelleiro no Barco de Valdeorras. Este órgano comarcal pasa a estar composto por 10 persoas que representan distintas localidades e tamén un amplo espectro de profesións, intereses e vinculacións sociais.

“Quiroga ten unha longa traxectoria no nacionalismo. Foi concelleiro na Rúa e xa ocupara a máis alta responsabilidade comarcal nun período anterior. Agora fará parte tamén do Consello Nacional do BNG como representante de Valdeorras”, tal e como indica o BNG.

Despois de ser elixido, Quiroga expresaba o seu agradecemento aos compañeiros que o elixiron así como a súa disposición a traballar arreo polo interese de Valdeorras. Tamén lembraba que stamos nun “intenso momento político no que o primeiro e inmediato grande reto é afrontar as próximas eleccións galegas do 5A” destacando que “o proxecto do BNG é o que se ten amosado máis eficiente para transformar realidades e que, como sinalou a portavoz nacional Ana Pontón en días pasados é na circunscrición de Ourense onde nos xogamos a posibilidade dunha mudanza real para o país”.

As responsabilidades do Consello Comarcal de Valdeorras do BNG son as seguintes:

Responsable comarcal: Roberto Quiroga López
Vice-responsable comarcal: Antón Rodríguez Prieto
Responsable de organización e finanzas: Noa Fernández Gómez
Responsable de acción feminista: María González Albert
Responsable de cultura: Vítor Manuel Sierra Nieves
Responsable de sanidade: Xosé Xesús Vilasánchez Feijóo
Vogais:
– Avelino Fernández Seco
– Ramón Núñez Rodríguez
– Sofía Carril Calvo
– Blanca María Rodríguez Ávila

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close