CulturaCulturaGalerías de fotosMúsicaÚltima hora

Románico e saxofóns, na segunda proposta do ciclo “De Perto” no Barco

O Ensemble de saxofóns do Conservatorio e da Escola de Música barquense actuaba o 7 de xuño na igrexa de San Miguel de Xagoaza

Entre as paredes da igrexa románica de San Miguel de Xagoaza, ao carón do mosteiro, soaban na tarde do 7 de xuño as melodías do Ensemble de Saxofóns do Conservatorio e da Escola de Música do Barco, que dirixe Manuel Prada Ramos. Esta era a segunda actuación da sétima edición do ciclo “De Perto”.

O concerto, que se iniciaba coa banda sonora de “A vida é bela” (Nicola Piovani/ arranxos de Tomás Bria), incluía unha decena de pezas de moi variados estilos e épocas entre as que tamén figuraban: “Tango en saxo” (Juan José Martín-Tadeo Garoz), “Misty” (Errol Garne), “Viva la vida” (Cold Play), “All by Myself” (Céline Dion/ arranxos Alain Crepin), “Dúo concertante Op. 55” de J.B. Singelée (interpretado por Joaquín Arias Delgado e Inés Docampo Gamarra), “Bohemian Rapsody” (Queen con arranxos de Brian Hernández), a banda sonora de “Piratas del Caribe”, “Hallelujah” (Leonard Cohen con arranxos de Ethan Lao) ou “Little boy lost” (Michel Legrand con arranxos de Calvin Custer).

 

 

 

O Ensemble de saxofóns está formado por saxos sopranos (Joaquín Arias Delgado, Sabela Fernández Mon e Mauro Docampo Gacio, clarinete), saxos altos (Inés Docampo Gamarra, Noa León Rodríguez, Alicia Trincado Rodríguez, Uxía Asunçao Álvarez e Aldara Vázquez Delgado), saxos tenores (Claudia González García e Lucía Fernández Grande), saxo barítono (Julio Jesús Sández Escribano). Nesta ocasión tamén o acompañaban a batería de Nicolás Martínez Mallo, o baixo eléctrico de Carlota Delgado González e ao piano de José Romero Cid.

O ciclo “De Perto” continuará o vindeiro venres 14 de xuño coa actuación do Orfeón Valdeorrés ás 20:30h. na igrexa de Santa María de Vilanova.

Fotos: Ángeles Rodríguez.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close