ConcellosGalerías de fotosÚltima hora

Romaría do Pai Eterno de Lardeira, devoción e tradición

Numerosas persoas participaban nesta celebración relixiosa e tamén popular que se desenvolvía na fin de semana do 15 e 16 de xuño nesta localidade do municipio de Carballeda de Valdeorras

Festa popular, pero tamén unha fonda devoción. A Romaría do Pai Eterno de Lardeira congregaba na pasada fin de semana, 15 e 16 de xuño, a numerosas persoas nesta localidade do Concello de Carballeda de Valdeorras. As festas comezaban o sábado cun torneo de dardos e, xa pola noite, tiña lugar unha cea popular na que unhas 123 persoas compartían mesa para saborear unha paellada. Despois, chegaba o momento de bailar ao ritmo dunha discoteca móbil.

 

 

O domingo 16 de xuño era o día propio da romaría con misas na igrexa (recentemente restaurada) cada hora dende as dez da mañá e ata as 12h. do mediodía. A misa central oficiábase á unha, xunto coa tradicional e multitudinaria procesión coa imaxe do Pai Eterno.

Tras os actos relixiosos, ao mediodía, dábase paso á sesión vermú, amenizada pola orquestra M-3 e non faltaba tampouco o pulpo. A organización desta festa estaba en mans de Manuel Docampo, Alfonso Blanco e Rafael Blanco.

Fotos cedidas por Ana Blanco.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close