Espectaculares paisaxes modeladas polo xeo, pero tamén singulares pobos con arquitectura tradicional de montaña. Son algúns dos atractivos que agocha o Val do Glaciar de Prada, no municipio de Manzaneda. Por esta zona discurrirá un roteiro que o Club Montaña Trives organizará o vindeiro 21 de maio.
Será un percorrido de dificultade media, cunha distancia de 17,5 km e para o que se estima unha duración de 4:30h. O punto de partida estará na Cafetería o Cafeto de Trives ás 8:45h. Dende aí disporase dun transporte en autobús (prezo tres euros na saída) ata o inicio do roteiro. Tras rematar a andaina haberá un xantar no Hostal O Pendón de Manzaneda (cun custo de 12 euros por comensal).
As persoas interesadas en realizar este traxecto poderán inscribirse ata o vindeiro 19 de maio no enderezo electrónico club.montana.trives@gmail.com ou ben na Oficina de Turismo de Trives. Dende a organización tamén matizan que se recomenda levar roupa e calzado de montaña e que durante o roteiro farase un descanso, “pero non contaremos con avituallamento”.
Máis información:
www.concellodemanzaneda.es
facebook do Club Montaña de Trives
