Todo está xa preparado para celebrar o décimo aniversario da Festa do Codillo que se celebrará este sábado 28 de xaneiro no pavillón polideportivo municipal. Aí terá lugar o xantar a partires das 14:30 horas pero dúas horas antes no Centro Cultural Avenida desenvolverase o acto de recoñecemento aos homenaxeados desta edición: o Grupo Escolar Manuel Respino no seu 50º aniversario; e aos deportistas Adrián Blanco Antelo e Luis Morillo pola excelencia deportiva nos campos do pádel e do tenis respectivamente.
Coma sempre, o menú do xantar popular no pavillón estará formado por consomé, chourizo, codillo, grelos, cachelos, bica, pan, viño, café e licores, amenizado musicalmente polo Trío Salero. Os asistentes poderán levar a casa a cunca como agasallo.
E xa a partires das 19 horas, un ano máis Pándega e un grupo convidado amenizarán os cantos de taberna polos establecementos hostaleiros da vila.
Máis información na edición en papel do Periódico O Sil.