Con descontos dun mínimo dun 20% en prendas de tempada, aperitivos, música e tendas engalanadas que abrían ata medianoite o comercio rues celebraba a segunda edición da “Noite dos Descontos” o 10 de xuño. Nesta iniciativa, promovida pola Asociación Empresarial de Valdeorras (AEVA), participaban nove establecementos rueses: Deportes Aris, Confecciones Rosendo, Perfumería Compostela, Mercería Raquel, Cool Balea, Confecciones Mondelo, Okre, Fios e Arnaveca Comunicación.
Como novidade, a esta “Noite dos Descontos” sumábase este ano a hostalaría. Un total de 11 establecementos hostaleiros (A Tasca, Vinoteca Pepa, O Retorno Bar, Bar Bravolux, Sport’s Café, 4 Camiños A Rúa, O Café, Cafetería Luna’s, Route 66, A Cervecería e Tapería Orballo) servían as cañas a 1 euro entre as oito da tarde e a medianoite.
Fotos: Carlos G. Hervella/ Mónica G. Bellver
