DeportesÚltima hora

Ruta de BTT polo municipio trivés, o 25 de xaneiro

Será a primeira actividade organizada pola nova directiva do Club Montaña de Trives

 

Ruta en BTT do Club Montaña de Trives./ Foto cedida polo club.
Ruta en BTT do Club Montaña de Trives./ Foto cedida polo club.

“Unha volta de arredor” por Trives. É a proposta que plantexa o Club Montaña de Trives coa ruta de mountain bike que está a preparar de cara ao 25 de xaneiro. Serán case 34 kms de percorrido, de dificultade moderada e cun itinerario dunhas 4 horas de duración.

A saída desta proba de BTT terá lugar ás dez da mañá dende a praza do Reloxio da vila trivesa. A partir de aí os participantes pasarán por Souto Vilanova, Castro, Encomenda, Acevoso, Sobrado, Mendoia, Pereiro, Escuadrio, San Lorenzo, San Mamede, Penafolenche, Os Sequeiros, Barrio, A Freiría, O Mato e, finalmente, Trives.

“Unha vez realizados os vinte primeiros quilómetros do percorrido pasarase de novo por Trives por se alguén prefire deixar nese punto a proba”, adiantan dende o Club Montaña de Trives.

Esta actividade está aberta a socios e a non socios do club. As persoas interesadas en participar poderán inscribirse na Oficina de Turismo de Trives ou ben enviando un correo electrónico ao enderezo club.montana.trives@gmail.com.

Cartaz da ruta de BTT do Club Montaña de Trives.
Cartaz da ruta de BTT do Club Montaña de Trives.

Artigos relacionados

Back to top button