ConcellosEn portadaÚltima hora

Ruta ornitolóxica “As Cores de Trevinca-primavera” pola Serra Calva

Esta actividade terá lugar o 25 de maio e está promovida polo Club Montañismo Montañas de Trevinca
Imaxe do cartel da actividade.

Deporte, paisaxe, montaña e ornitoloxía. Son os ingredientes da próxima actividade que organizará o Club Montañismo Montañas de Trevinca. Trátase da Ruta ornitolóxica-Serra Calva “As Cores de Trevinca-primavera”, que está programada para o 25 de maio.

O punto de partida do percorrido será Corzos (A Veiga) ás 9h. (Hotel Aira da Petada). Dende aí iniciarase un traxecto de montaña que pasará polas Lagoas das Tablillas, a Mallada dos Currais, a Lagoa de Pichos, o Pico Ocelo, Lagoas de Carrizais e Laceira, Bidueiral de Xares e Seoane. O regreso ata Corzos farase en vehículo.

“Acompañando a esta actividade deportiva, durante o percorrido se realizarán unha serie de charlas sobre variados aspectos ornitolóxicos, con traballos de campo sobre o recoñecemento das nosas aves das Montañas de Trevinca-A Veiga”, explican dende a organización.

As persoas interesadas en participar poden inscribirase a través da páxina web www.montanasdetrevinca.es ou no correo club@montanasdetrevinca.es. Os prezos serán os seguintes: 6 euros para socios con licenza federativa, 12 euros para socios sen licenza federativa, 15 euros para non socios con licenza federativa, 20 euros para non socios sen licenza federativa e 8 euros para menores de 16 anos non socios sen licenza federativa.

“Con esta interesante ruta pola ZEPA Pena Trevinca (Zona e Especial Conservación de Aves) queremos dar a coñecer unha zona ornitolóxica de moi grande interese, e unhas lagoas glaciares no conxunto do segundo lugar de importancia en España”, destacan dende o club organizador, que conta co colaboración do Concello da Veiga. Esta actividade está subvencionada pola Deputación de Ourense.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close