No marco da vindeira edición da Festa da Bica, prevista para o vindeiro 1 de agosto, celebrarase a súa romaría tradicional, cunha ruta polo Penedo Grande. Será “unha subida dende A Pobra de Trives ata o cumio da Montaña, acompañados de profesionais do deporte e de turismo, con todos os gastos asumidos polo Concello incluindo os preceptivos seguros, avituallamento…”, tal e como vén de anunciar o Concello da Pobra de Trives.
A ruta terá dúas modalidades: a de Marcha Nórdica (na que o Concello de Trives) aporta os bastóns necesarios) e a de andaina. As persoas interesadas poderán anotarse dende este 15 de xullo e ata o día 22 de xullo no teléfono 988 33 09 67 ou no correo turismo@concellodapobradetrives.gal.
A saída terá lugar a primera hora da mañá do 1 de agosto dende A Pobra de Trives “para evitar golpes de calor e estar na cima da montaña a tempo para disfrutar do día máis especial para a comarca, da Festa da Bica”, din dende a organización.
“Será unha estupenda ocasión de descubrir a nosa natureza con guías acreditados e todas as medidas de seguridade COVID”, sinalan dende o Concello.
