ConcellosÚltima hora

Rutas pola Serra da Enciña da Lastra nesta fin de semana

Faranse dous percorridos os días 21 e 22 de outubro por este parque natural situado en Rubiá e único en Galicia pola súa orixe caliza
Penedos de Oulego, no Parque Natural da Serra da Enciña da Lastra (Rubiá)./ Foto: Carlos G. Hervella.

Co fin de dar a coñecer as singularidades do Parque Natural da Serra da Enciña da Lastra (Rubiá) está previsto que se leven a cabo nesta vindeira fin de semana dúas rutas de sendeirismo por este espazo, único en Galicia polos seus cumios de rocha caliza e natureza mediterránea.

Así o sábado 21 de outubro farase a ruta “O Parque” (circular, de 8 Km,de dificultade media e 3:30h de duración), adicada a coñecer os valores naturais e gozar da paisaxe espectacular deste entorno valdeorrés. A presentación do Parque e punto de encontro será no centro de recepción de visitantes de Biobra ás 10h.

Para o domingo 22 de outubro está previsto o “Roteiro patrimonial” (tamén circular, de 5 km, dificultade media e 3h de duración), no que se poderá descubrir unha antiga mina de pintura, un muíño e a ermida románica de Santo Estevo de Pardollán. Nesta ocasión o punto de encontro será o mirador de Vilardesilva ás 10h. para admirar na súa fermosura o Sil e Penarrubia.

Na tarde do sábado a guía do Parque informará sobre outras rutas e lugares de interese para visitar. Para máis información e inscricións info@sustinea.org ou 988 782 964 (as inscricións poden ser nas dúas rutas ou só nunha delas).

As rutas son gratuítas, pero para unha mellor organización a organización solicita que se realice unha inscrición.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close