Tras un ano marcado pola pandemia, Vilariño de Conso recupera neste sábado 22 de febreiro, o seu Entroido. Non hai festa do cabrito, pero si un completo e concurrido desfile que arrancaba ás 11:30h dende a praza ata a zona escolar.
Dende ese momento comezaban a soar os bombos e as aixadas así como as carreiras dos Boteiros do Fulión de Vilariño de Conso, que coma sempre abría o desfile. Despois viñan os fulións de Pradoalbar, do Val, Mormentelos (todos eles do concello de Vilariño de Conso), así como o de Carracedo da Serra (A Gudiña), Bembibre (Viana do Bolo) e As Maceiras (Trives).
Neste esperado desfile, que era seguido por numeroso público, tamén participaba o Folión de Buxán (O Bolo), As Carrelas (Viana do Bolo), A Lardeira (Trives), Manzaneda e Chaguazoso que era quen pechaba.
Durante o desfile contouse coa colaboración de Protección Civil de Vilariño de Conso e co GES da Gudiña, entre outros corpos e forzas de seguridade, que regularon o tráfico e velaron pola seguridade.
Fotos: Ángeles Rodríguez.