En portadaEn Portada EntroidoGalerías de fotosÚltima hora

Sábado de Entroido en Vilariño de Conso, entre sons de fulións e cabrito

 

Multitude de persoas achegábanse o 22 de febreiro, ata Vilariño de Conso para desfrutar do seu Entroido. Rozando as 12h. actuaba a Banda de gaitas de Vilariño e logo tiña lugar o pregón, tras o cal se lle rendía unha emotiva homenaxe a Francisco Blanco “Quico”, un veciño de Sabuguido falecido recentemente, que sentía con auténtica paixón esta festa e que levaba tres décadas vestindo ao Boteiros do Folión do Val. Unha representante deste folión entregáballe un ramo de flores ao seu fillo, Ramón.

De seguido, soaban os bombos e as aixadas e comezaban as carreiras dos Boteiros do Fulión de Vilariño de Conso, que abría o desfile. Despois viña os fulións do Val, de San Cristobo, Conso e A Veiguiña; o de Chaguazoso, Mormentelos (todos eles do concello de Vilariño de Conso), así como o de Carracedo da Serra (A Gudiña), Bembibre (Viana do Bolo), Buxán (O Bolo) e o Alternativo de Viana.

 

 

Durante o desfile contouse coa colaboración de Protección Civil de Vilariño de Conso, Trives e San Xoán de Río, co GES da Gudiña e coa Garda Civil, que regularon o tráfico e velaron pola seguridade.

Pasadas as dúas e media da tarde finalizaba o desfile e dábase paso a XXXI Festa do Cabrito, que reunía a uns 1.700 comensais (entre a carpa instalada na área recreativa e o pavillón polideportivo). Pola tarde continuaba a festa con música da man da orquestra Olympus.

O sábado era unha das datas centrais do Entroido de Vilariño de Conso, cuxo programa continuará ata o vindeiro Mércores de Cinza e que está sendo organizado pola Asociación Xuntos polo Fulión e polo Concello de Vilariño de Conso.

Fotos: Ángeles Rodríguez

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close