Saboreando os clásicos coa recoñecida pianista Sara Marianovich no Barco

Esta intérprete ofrecía un recital no Teatro Lauro Olmo na noite do 19 de novembro
Sara Marianovich durante o recital no Teatro Lauro Olmo./ Foto: A.R.

Sara Marianovich durante o recital no Teatro Lauro Olmo./ Foto: A.R.

Un auténtico agasallo para o público resultaba o recital que ofrecía no Barco a recoñecida pianista serbia Sara Marianovich na noite do 19 de novembro. De maneira exquisita e intensa interpretaba sobre o escenario do Teatro Lauro Olmo unha ducia de pezas de compositores clásicos europeos, entre os que cobraban protagonismo os españois.

A pianista recibindo os aplausos do público./ Foto: A.R.

A pianista recibindo os aplausos do público./ Foto: A.R.

O recital comezaba con “Pasacalle en Sol menor” de G.F. Händl, seguía con composicións de A. Scarlatti, F. Mendelssohn-Bartoldy e F. Chopin (entre elas a “Polonesa en Sol sostido menor Op. posth.”, de Liszt, Albéniz (“Asturias”), S. Rachmaninoff e Joaquín Rodrigo. Deste último autor, a quen coñeceu persoalmente, tocaba dous temas “Al’ombre de Torre Bermeja” e, xa nos bises, “Danza Valenciana”. A actuación concluía cun longo aplauso.

Este é o segundo recital que esta pianista ata agora residente no Barco ofrece nesta vila valdeorresa no que vai de outono. O anterior tiña lugar na Casa do Río Cigüeño.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies