OurenseÚltima hora

Sae á rúa o número 33 do “Anuario da Gaita”

A publicación da Deputación conta con traballos de destacados especialistas no coñecemento da cornamusa e da súa historia

Ricardo Coelho, Xose Lois Foxo, Jorge Lira, Rosendo Fernández e Patricia Torres.

 

A Escola Provincial de Gaitas da Deputación vén de editar o número 33 do “Anuario da Gaita”, unha publicación que conta con traballos de destacados especialistas no coñecemento da cornamusa e da súa historia. A presentación desta nova edición tiña lugar na mañá do 17 de setembro no Pazo Provincial, acto no que participou o vicepresidente da Deputación de Ourense, Rosendo Fernández; a deputada provincial de Cultura, Patricia Torres; o director da Escola de Gaitas da Deputación, Xosé Lois Foxo; e o musicólogo e colaborador da publicación, Jorge Lira.

O “Anuario da Gaita” é unha publicación “única nas súas características en Galicia e unha obra de referencia para os estudosos e amantes da cornamusa, que dota de luz a historia, a tradicións e os usos deste instrumento musical de Galicia”, sinalou Rosendo Fernández. “Trátase dunha das moitas actividades que desenvolve a Escola Provincial de Gaitas ao longo do ano a prol da nosa cultura e da nosa tradición, que achega ao lector investigación, historia, cultura e etnografía sobre o mundo da gaita”, engadiu o vicepresidente da Deputación de Ourense.

Pola súa parte, o director da Escola Provincial de Gaitas da Deputación explicou que o “Anuario da Gaita” ten como filosofía “recompilar os eventos máis importante que se realizan ao longo do ano, recoller traballos científicos e dedicar unha sección de pasamentos sobre persoas destacadas no mundo da Cultura”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close