Dous accidentes de tráfico se rexistraban na xornada do 27 de setembro en Valdeorras. Apenas catro horas despois do choque entre dous vehículos no casco urbano de Petín, o 112 Galicia recibía unha nova chamada desta volta dende o municipio do Barco de Valdeorras.
Pasadas as catro e media da tarde, tiña lugar unha saída de vía na estrada de entrada á localidade de Vales. O vehículo envorcaba e quedaba tumbado do lado do condutor, deixando como resultado unha persoa ferida que era trasladada ao Hospital Comarcal Valdeorras.
Ata o lugar desprazábanse o GES, os bombeiros, o 061 e a Policía Local do Barco.
