OurenseÚltima hora

San Mamede (Vilar de Barrio) recupera a súa romaría despois de doce anos sen celebrarse

Terá lugar neste xoves 15 de agosto, ás 11:00 horas con diversos actos

 

Programa da actividade.

 

A capela de San Mamede, no concello de Vilar de Barrio, volverá a ser escenario da súa romaría despois de non celebrarse nos últimos doce anos. Así, terá lugar mañá, xoves 15 de agosto, ás 11:00 horas.

Comezará no Centro de Educación Ambiental “As Corcerizas”, con talleres para os cativos, mentres que os deportistas de montaña BTT e sendeiristas comezarán o ascenso ata chegar aos máis de 1 600 metros de altitude nos que se sitúa a capela. Unha vez arriba, celebrarase un xantar popular amenizado por música e xogos.

Ademais, poderase  subir ata Rebordechao ou o Caudillo  en autobús. O prezo do autobús, a actividade e o xantar será de 12 euros. As prazas son limitadas e os interesados deberán chamar ao 651 01 74 16.

“Temos garantida a participación de máis de máis dun cento de persoas. Queremos que ao rematar este verán a nosa veciñanza de Vilar de Barrio mire con outros ollos a súa serra. Ben como ese lugar de esparexemento simbólico, ben como o recurso para un desenvolvemento sostible do municipio. Antes en exclusiva vinculados ao sector primario e agora abrindo a porta a outras posibilidades”, asegura Manuel Conde, alcalde de Vilar de Barrio.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close