ConcellosGalerías de fotosÚltima hora

San Roque regresa á súa capela na Rúa Vella

A imaxe encabezaba a procesión dende a igrexa de Santo Estevo no mediodía do 19 de agosto

Despois de presidir a misa maior do domingo na igrexa parroquial de Santo Estevo onde repousaba dende a noite do 17 de agosto trala celebración da novena, a imaxe de San Roque, co acio de uvas e acompañado polo can cunha rosca na boca, regresaba á súa capeliña no campo de nome homónimo, na Rúa Vella.

Facíao no mediodía do domingo 19 de agosto nunha numerosa procesión que partía da igrexa en torno ás 13:30h. acompañada pola Agrupación Musical da Limia. Co párroco Severino Pérez á cabeza e a rosca de San Roque que máis tarde era repartida entre os asistentes, a comitiva percorría parte da rúa principal da vila ata chegar á capela onde o santo descansará ata o vindeiro ano. Coa imaxe xa no interior, a banda de música amenizou a sesión vermú do domingo.

A mesma agrupación musical dará un concerto pola tarde (19h.) na praza César Conti, completando a xornada a actuación, en sesión de tarde e verbena, da orquestra Jerusalén.

As Festas de San Roque continúan mañá (festivo local na Rúa) coa misa de San Roquiño na capela ás 12:30h; o pasarrúas da Charanga Nova Terras de Trives;  festa da auga para os nenos pola tarde; e a actuación estelar de El Combo Dominicano, xa pola noite.

Máis información na edición en papel do Especial Festas de Agosto do Periódico O Sil.

Fotos: Mónica G. Bellver

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close