San Xoán de Río desfrutou do seu mellor entroido en anos e xa pensa en superalo en 2019

O entroido de 2018 estaba marcado como un punto de inflexión para que San Xoán de Río poida figurar nun futuro no mapa de concellos con Entroidos que todo o mundo debe visitar. Só a chuvia impedíu unha xornada perfecta, coa que todo o mundo rematou contento e na que a organización xa pensa dar o salto de calidade do 2019 cunha aposta moito mais potente que este ano enchendo San Xoán de Río de fulións e creando o Fulión RíoMola para aparte, participar no resto de entroidos da zona.

O entroido comezou no Centro Social da localidade, donde os mais pequenos puideron desfrutar dunha gran festa de disfraces para rematar cunha gran chocolatada coa que quentar o corpo neste frío e chuvioso día.

Tralo remate do Entroido infantil, era o turno dos Fulións. Muitos veciños de diversos barrios puxeronse en contacto coa organización para intentar que o fulión pasase pola súa zona a cambio de servirlle uns pinchos aos artistas. Mais a chuvia fixo acto de presencia e obligou a organización a modificar o trazado da ruta.

O Concello foi o encargado de invitar ao fulión mais colorido e festeiro do país, o Folión da Caniceira, que foi quen partiu en primeiro lugar polas rúas de Río. A continuación, invitados pola AC Ríomola desfilou o Fulión da Lardeira, de Piñeiro (San Fiz), tamén de Trives. A altura do antigo Bar Corredoiro, pola intensa chuvia decidiuse modificar o trazado previsto pola organización para protexer os bombos da humidade e deuse media volta para continuar a foliada no pavillón da localidade. Alí ambos fulións fusionaronse nun so e durante mais de unha hora tocaron sen descanso para desfrute do público presente.

Rematada a fuliada, o Bar Cruceiro encheuse cos 2 fulións para desfrutar de pinchos e bebida ata fartar e deixar contentos tanto a ambos fulións como ao numeroso público que asistíu a este folión. Tralo fulión e coa satisfacción do traballo ben feito a xente de San Xoán de Río deixou 2 titulares que teremos que ver se se cumpren:

O primeiro é comezar xa a traballar para ter o ano que ven un entroido potente e un día de Fuliada no que xuntar en San Xoán de Río mais dunha ducia de Fulións.

O segundo é a creación dun Fulión, o primeiro da localidade de San Xoán de Río, para que a xente que queira do concello súmese e participe e poida desfrutar como participe dos entroidos das vilas veciñas.

Só o tempo dirá se se cumpren estas dúas propostas, mais este entroido pode ser o xérmolo de algo moi potente.

Texto e fotos: Xosé Miguel Pérez Blecua.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies