Publicidade
ConcellosÚltima hora

San Xoán de Río inicia a redacción do seu plan básico municipal

 

O alcalde de Río, na reunión cos técnicos para a elaboración do plan básico municipal./ Foto: Concello de San Xoán de Río.

Nesta mañá de 11 de decembro tiña lugar no salón de plenos do Concello de San Xoán de Río a primeira das reunións para elaborar un plan básico municipal. Neste encontro participaban o alcalde de Río, Xosé Miguel Pérez Blecua, técnicos de Urben Consultores SL (empresa encargada de redactar o plan) e a arquitecta da Deputación de Ourense. O prazo de execución deste plan será de 10 meses.

“Este PBM, financiado o 100% pola Consellería de Medio Ambiente, Territorio e Vivenda, dotará ao Concello de Río dun instrumento urbanístico básico que lles permitirá ofrecer unha capacidade de acollida residencial e económica que dea resposta ao desenvolvemento elemental dunha certa actividade urbanística, pero sen establecer criterios de crecemento urbano”, explica o alcalde de Río.

Ademais este plan dotará ao “Concello dunha ordenación básica, cuxa formulación, tramitación e aprobación corresponde á Comunidade Autónoma, en colaboración e coa participación do concello, e que estará vixente ata que xurdan iniciativas ou razóns determinantes dunha maior complexidade urbanística que aconsellen a formulación dun plan xeral de ordenación municipal para Río”, engade o rexedor

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close