ConcellosÚltima hora

San Xoán de Río pide unha máquina quitaneves

O seu alcalde, Xosé Miguel Pérez, di que se leva solicitando xa dende o verán

O alcalde de San Xoán de Río, Xosé Miguel Pérez./ Foto: Carlos G. Hervella.

 

Ante á alerta laranxa por neve prevista para este luns 16 de decembro, o alcalde de San Xoán de Río, Xosé Miguel Pérez, recorda unha petición que lle veñen facendo ás administracións dende o verán: unha máquina quitaneves.

“No mes de agosto solicitamos ás institucións un quitaneves para preparar a época invernal. As respostas foron que a quen se lle ocorre pedir un quitaneves en verán ou queda tempo de sobra e xa se vos dará cando chegue o inverno. Pois a realidade é que xa levamos 3 nevaradas de alerta amarela no pasado mes de novembro e mañán será a primeira de alerta laranxa e seguimos sen quitaneves para a rede viaria local”, sinala o rexedor.

Neste senso, insiste novamente na petición e, entre tanto, plantexa solucións alternativas. “Como xa pedimos en reiteradas ocasións no mes de novembro, solicitamos á Xunta que mentres non se arranxe a situación, envíe para a montaña de Ourense (non está únicamente Río nesta situación), os quitaneves da provincia de Pontevedra que non estean afectados por estas alertas para limpar a rede viaria local”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close