Santo Estevo de Ribas de Sil, entre as paradas da “SacroXira nos Mosteiros” de Luar Na Lubre

Nesta xira, que terá lugar do 8 de agosto ao 16 de novembro, presentarán o seu último traballo “Ribeira Sacra”

Santo Estevo de Ribas de Sil estará entre os lugares onde Luar Na Lubre actuará na “SacroXira nos Mosteiros”, onde presentarán o seu último traballo “Ribeira Sacra”. Será a primeira actuación da xira e terá lugar o 8 de agosto.

 

Luar Na Lubre.

 

Os outros mosteiros onde terá parada esta xira son o de Santa María de Montederramo (13 de agosto), o Patio de Armas do Parador de Turismo de Monterrei (30 de agosto), San Pedro de Rocas /Esgos (15 de setembro), Santa María de Xunqueira de Espadanedo (20 de setembro) e a igrexa de San Francisco de Betanzos (16 de novembro).

O traballo ‘Ribeira Sacra’ contou coa colaboración de destacados artistas como o asturiano Víctor Manuel, a cantautora galega Ses, a Coral de Ruada de Ourense, o músico coruñés Nani García, a asturiana Marisa Valle Roso ou Carlos Gandón e Xoán Antepazo da banda heavy galega “Astarot”. Ademais, o obxectivo foi o de destacar, a través da música e outras artes, o valor histórico, natural e etnográfico desta comarca que aspira a ser proclamada Patrimonio da Humanidade pola UNESCO no ano 2021.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies