ConcellosGalerías de fotosÚltima hora

Santo Estevo (A Rúa) homenaxea a Severino Pérez polos 50 anos como párroco

Multitude de fieis asistiron ao acto que tiña lugar no mediodía do 15 de outubro na igrexa da Rúa Vella

O 15 de outubro de 1967, Severino Pérez Blanco tomaba posesión como párroco de Santo Estevo na Rúa. Cincuenta anos despois, un grupo de fieis decidían organizarlle unha homenaxe á que acudían numerosas persoas.

Veciños, fieis, representantes municipais, relixiosos e das forzas do orde, asistían así á eucaristía que no mediodía deste domingo, Severino presidía acompañado polo vicario xeral da Diócese de Astorga, José Luis Castro. Foi unha misa de “acción de grazas”, na que o propio vicario foi o primeiro en felicitar ao párroco polas “vodas de ouro”, no seu nome e tamén no do bispo. Xa na homilia, o homenaxeado deu as grazas aos asistentes asegurando emocionado que “vos fostes o para que do meu ministerio pastoral nestes 50 anos e seguiredes séndoo o tempo que me quede”. Lembrando a súa chegada, asegurou sentirse “dende o primeiro momento acollido como mensaxeiro de Deus” lembrando que “hoxe é un día de gozo e reflexión”. Con moitos dos aistentes compartíu momentos únicos “días tristes, enfermidades, penas, despedida de seres queridos pero tamén días de festa e alegría”, lembrando que “este templo é importante, non só polo valor das tallas senón polos cultos que aquí se celebran, especialmente a Semana Santa”.

A este culto fixo tamén referencia, Manuel Martínez, quen en representación de toda a parroquia, adicou unhas emotivas palabras de agradecemento ao párroco “por todo o que nos deu”, facendo especial fincapé no empeño por conservar, recuperar e mellorar a igrexa e as imaxes que nel se conservan. El mesmo foi quen explicou que “para non cometer o erro de darnos conta do que temos unha vez que o perdemos, quixemos rendirlle esta emotiva e merecida homenaxe a D. Severino”.

Como en toda homenaxe que se precie, non faltou o agasallo, unha fermosa reprodución da igrexa de Santo Estevo feita en barro da zona. Tampouco faltou a comida, un xantar no adro da igrexa ao que todos os asistentes estaban convidados.

Máis información na vindeira edición en papel do Periódico O Sil.

Fotos: Mónica G. Bellver.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close