O teatro tamén se suma á oferta cultural do verán trivés. E faino da man da compañía ourensá Sarabela Teatro que traerá o seu espectáculo “Isto non é unha caixa” ata a Biblioteca Municipal de Trives (Edificio Santa Leonor).
Esta representación está prevista para o vindeiro xoves 19 de xullo, ás 11:30h. da mañá e está dirixida a un público infantil con idades comprendidas entre 4 e 12 anos.
