SanidadeÚltima hora

SATSE di que os test rápidos debe facelos “o Sergas con profesionais da enfermería e en centros sanitarios”

 

Dende o Sindicato de Enfermería SATSE vén de emitirse un comunicado no que amosa o seu rexeitamento “á intención do Sergas de levar a cabo as probas rápidas serolóxicas de dobre banda nas oficinas de farmacia, ao considerar que non son os lugares adecuados”. Ademais SATSE advirte de que “hai que realizar unha técnica que deben levar a cabo nos centros de saúde do propio sistema sanitario. É o sistema de saúde quen debe asumir esa responsabilidade”.

No mesmo sentido este sindicato sinala que estas probas “deben ser realizados nos centros sanitarios e con profesionais do Sergas e non en establecementos comerciais privados, o que pode empezar de forma altruísta tende a converterse nun gravame máis para o servizo de saúde”, indica Carmen García Rivas, secretaria autonómica de SATSE en Galicia.

Así mesmo, SATSE apunta que “as oficinas de farmacia non reúnen en absoluto as condicións adecuadas de seguridade para garantir a protección dos cidadáns á hora de realizar este tipo de probas, reiterando a necesidade de contar, por exemplo, coa delimitación de circuítos seguros de tránsito de persoas, unha xestión optima da eliminación dos residuos xerados contaminados, persoal cualificado para a realización e interpretación das probas, así como rexistro e traslado dos resultados á historia clínica de cada cidadán na sanidade pública”.

“Debe ser o Sergas quen realice estes tets para que teña continuidade se se converten en casos de covid, a farmacia non ten competencias para interrelacionarse nin cos centros asistenciais, e moito menos coa historia clínica dos pacientes”, afirma a secretaria autonómica de SATSE.

Ademais, SATSE insiste na necesidade de reforzar os persoais de enfermeiras/os para que poidan ser estes profesionais os que dean resposta á demanda deste tipo de probas así como que a consellería “elabore e presente dunha vez un Plan Estratéxico respecto diso. Unha reclamación que o Sindicato de Enfermería vén realizando desde hai meses, así como unha xestión máis efectiva e razoada. Así llo comunicou a central nunha carta urxente ao conselleiro de sanidade, Julio García Comesaña. SATSE esixe que se retracten de maneira inmediata e esíxelles, unha vez máis que reforcen os persoais de profesionais, e xestionen de maneira eficaz”.

Artigos relacionados

Back to top button
Close