DeportesÚltima hora

Segundo un comunicado da RFGF “todas as competicións e eventos deportivos, de ámbito estatal disputaranse tamén en Galicia a porta pechada”

A decisión tómase seguindo as recomendacións da Federación Española, á vista da evolución da situación xerada pola transmisión do COVID-19

 

A Real Federación Galega de Fútbol (RFGF) vén de emitir un comunicado oficial “seguindo as recomendacións da Federación Española a través da circular que enviou ás Federacións Territoriais onde lles traslada que, á vista da evolución da situación xerada pola transmisión do COVID-19, o Consello Superior de Deportes informou da adopción por parte do Goberno de España dun conxunto de medidas preventivas entre as que se atopan a celebración de todas as competicións e eventos deportivos, profesionais e non profesionais, de ámbito estatal e internacional a porta pechada”.

Así, “todas as competicións e eventos deportivos, profesionais e non profesionais, de ámbito estatal e internacional xogaranse tamén en Galicia a porta pechada ata novo aviso”. Estas decisións estarán suxeitas aos cambios que se nos aconsellen en cada momento desde as autoridades sanitarias e deportivas.

As categorías que se ven afectadas son as seguintes:

Primeira División
Segunda División
Segunda División B
Terceira División
División de Honra Xuvenil
Liga Nacional Xuvenil
Primeira Iberdrola
Reto Iberdrola
Primeira Nacional Feminina
Primeira División de Fútbol Sala
Segunda División de Fútbol Sala
Segunda División B de Fútbol Sala
Terceira División de Fútbol Sala

En canto á competición do fútbol afeccionado e fútbol base en Galicia, a RFGF “mantense á espera da decisión das autoridades autonómicas competentes”.

Mañá terá lugar en Santiago de Compostela unha reunión da Secretaría Xeral para o Deporte da Xunta de Galicia con todas as Federacións Deportivas Galegas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close