Da música tradicional galega ao pop nacional de tódolos tempos, da banda á música coral e de baile. A oferta musical das festas do Cristo é sempre ampla e variada e este ano non será unha excepción. Partindo do pregón, coa actuación do Orfeón Valdeorrés e membros do Conservatorio, e rematando co directo de Najla Shami.
Cantora e compositora nacida en Compostela, filla de tres culturas: palestina, galega e arxentina, Najla comeza en coros polifónicos e formacións de música tradicional galega e máis tarde as súas composicións viran máis persoais e a súa voz vese influenciada por estilos coma o jazz, o funk e o world music. Gradualmente incorpora novas influenzas na súa linguaxe, achegando sonoridades de Portugal, Brasil e África que mestura coas súas raíces e co jazz, e imprimen unha profunda pegada na súa evolución.
E entre o Orfeón e Najla a actuación de orquestras, bandas de música e grupos de referencia a nivel galego e nacional.
Con todo, o concerto estrela será sen dúbida o de Seguridad Social, previsto para o 12 de setembro na praza Andrés de Prada. Cunha longa traxectoria no panorama musical, a banda valenciana, un referente na “Movida Madrileña” e do rock español, achegarase ata Valdeorras para facer bailar a mozos e maiores ao ritmo do seu punk skatalítico.
O 12 de setembro tamén actuará Brincadeira. Os barquenses Son do Sil farano o día 13, e Faltriqueira o 14.
Texto: Mónica G. Bellver
Máis información na edición en papel do Especial Cristo do Periódico O Sil