OurenseÚltima hora

Seixalbo, o primeiro barrio cardioprotexido de Ourense

Na iniciativa colaboran o Clube Deportivo Seixalbo, a Asociación de Mulleres Rurais Santa Águeda, a Mancomunidade de Montes en Mancomún de Seixalbo e a Asociación Veciñal San Breixo
Presentación da iniciativa en Seixalbo.

Coa adquisición dun desfibrilador que estará a disposición dos servizos de emerxencia e de calquera usuario que o precise, a iniciativa dos propios veciños, Seixalbo será o primeiro barrio cardioprotexido de Ourense.

En caso de emerxencia cardiorrespiratoria, a actuación nos primeiros minutos pode ser crucial para evitar danos irreversibles e incluso a morte do afectado. Por iso, un grupo de voluntarios e voluntarias de Seixalbo realizarán un curso de formación en primeiros auxilios e de manexo do desfibrilador, que esta preparado para un manexo sinxelo e intuitivo por calquera persoa cun mínimo aprendizaxe.

A idea inicial xurdía dun xove xogador do Clube Deportivo Seixalbo, Pablo González, que inmediatamente foi asumida polo equipo. Unha iniciativa que foi apoiada por distintos colectivos de Seixalbo: Asociación de Mulleres Rurais Santa Águeda, Mancomunidade de Montes en Mancomún e Asociación Veciñal San Breixo.

O obxectivo é que a compra se faga mediante aportacións voluntarias polas propias xentes do lugar, coa pretensión de que “sexa a propia veciñanza a que sinta partícipe deste compromiso, demostrando unha vez máis o carácter solidario deste lugar, así como a decidida aposta polo ben común e colectivo, como leva demostrado desde hai décadas, desde aquel histórico preito que solidariamente librou o pobo de Seixalbo no século XIX para a supresión das rendas forais, ata os movementos veciñais máis recentes para a consecución de obras, melloras ou equipamentos para a mellora da calidade de vida no noso rural”, explican dende o barrio.

Para financiar esta iniciativa, e para conseguir unha colaboración o máis horizontal e extensa posible, poñerán á venda unha pulseira polo prezo simbólico de tres euros, que poderá ser adquirida en calquera dos colectivos organizadores, mantendo as cores do C.D. Seixalbo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close