En portadaGalerías de fotosÚltima hora

A selección do valdeorrés Lucas Mondelo logra o terceiro ouro de España nun Eurobásket feminino

Dominaba dende o primeiro cuarto a final contra Francia, que caía por 71/55

A selección española de baloncesto feminino, dirixida polo valdeorrés Lucas Mondelo, continúa facendo historia. Como acostuma dicir o propio técnico “fai fácil o difícil” e vén de demostralo unha vez máis na final do Eurobásket que se desputaba na tarde do 25 de xuño en Praga fronte a Francia.

Dominaba claramente ao longo de todo o encontro, vencía nos cuatro cuartos e ademais cunha notable vantaxe que chegaba mesmo aos 21 puntos nalgúns momentos. A defensa deseñada por Mondelo marcaba o camiño de España cara o ouro e descolocaba por completo á selección francesa, que se vía superada en todos os aspectos polas xogadoras de Mondelo.

E así ata chegar aos últimos segundos, nos que o banquiño español saboreaba e festexaba xa a vitoria, cun marcador de 71 a 55. Este era o terceiro Eurobásket de Mondelo e de novo conseguía medalla. É asemade o terceiro ouro de España nun europeo tras os logrados en 1993 e no 2013. Unha vez máis o valdeorrés, que estivo arroupado pola súa familia “Os Carecas” dende as bancadas, demostra que converte en ouro o que toca.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close