Publicidade
CulturaCulturaEducaciónÚltima hora

“Semana das Letras Galegas”, na Biblioteca Municipal da Rúa

Propón dúas actividades a través das redes sociais para traballar sobre a obra e a figura de Carvalho Calero

 

Neste mes de maio tampouco na Rúa será posible a organización de actos con público polo Día das Letras Galegas, pero si se están a desenvolver actividades para celebrar esta festa da cultura galega.

Así do 11 ao 17 de maio, a Biblioteca Municipal da Rúa está a celebrar a “Semana das Letras Galegas” con propostas para nenos e maiores nas que se divulga a obra e a figura de Ricardo Carballo (Carvalho) Calero, autor homenaxeado este ano.

Así, dende a Biblioteca ruesa anímase a participar, dende casa, en diversas actividades relacionadas con dúas obras moi coñecidas do escritor. Unha delas, pensada para os máis pequenos, xira arredor da obra “As pitas baixo a choiva”, un “fermoso conto infantil, para ler e tamén realizar debuxos e marcadores de páxinas de forma libre (pita, galo, paraugas…choiva)”, indican dende a biblioteca.

Por outra banda, proponse traballar sobre a “Farsa das zocas”, unha “divertida peza teatral para maiorciños e adultos. Animo aos usuarios que lles gusta o teatro, a realizar a lectura continuada desta obra, ou a súa representación”, sinalan da Biblioteca da Rúa.

Nese senso, agárdase que os seus usuarios remitan fotografías, vídeos e outros traballos relacionados con estas dúas actividades ao correo electrónico bibliorua@hotmail.com para poder compartirlos a través das redes sociais.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close