Un mural con gran simbolismo. Un tren cargado de mensaxes. A locomotora conducida polo “corazón”, un vagón para a vida sana, outro para a autoestima, outro interracial, un cuarto para o medio ambiente e o quinto e último para “vivir e disfrutar do momento”.
É a gran pintura que dende hoxe decora e dá cor á parede lateral do Centro de Saúde da Rúa. Os autores, os preto de vinte alumnos de entre 7 e 16 anos da Aula de Verán que dirixen e imparten Laura e Elvira Fernández, filla e nai promotoras do proxecto educativo baseado nas emocións, InCrescendo Colectivo.
Para a elaboración do mural que realizaron nas mañás do 11 e 12 de xullo, contaron coa colaboración e coordinación do artista local José Luis Prieto “Lili” quen demostrou, non só ter boa man cos pinceles e a pintura, senón tamén cos cativos.
A Aula de Verán na Rúa continúa ata o 15 de xullo, permanecendo aberta a inscrición para a do Barco de Valdeorras que se desenvolverá entre o 18 e o 22 de xullo.
Fotos: Mónica G. Bellver
Máis información sobre InCrescendo Colectivo nos seguintes enlaces:
https://osil.info/aulas-de-veran-en-valdeorras/
https://www.facebook.com/increscendo.colectivo/?fref=ts
