Na mañá do 23 de novembro a Corporación municipal barquense reuníase nunha sesión plenaria extraordinaria co fin de realizar o sorteo público para a designación dos membros das mesas electorais coas que contará este concello nas vindeiras eleccións xerais do 20 de decembro.
Durante a sesión, que estivo presidida por Aurentino Alonso como alcalde en funcións do Barco, levouse a cabo o sorteo “mediante o programa informático facilitado pola oficina do Censo Electoral, de tal forma que para cada membro da mesa sairán elixidos ata nove electores”. En total O Barco contará con 17 mesas electorais nos vindeiros comicios.