O club ourensán conseguía o 10º posto no campionato de inverno celebrado en Pontevedra
Máis dunha vintena de medallas conseguía o Club Natación Escualos no campionato galego máster de inverno disputado na pasada fin de semana en Pontevedra.
Dun total de 24 clubs galegos, tres deles ourensáns, o Escualos sumaba 380 puntos co que conseguía un meritorio 10º poso na clasificación final “por diante de clubs moi importantes a nivel galego como CN Riveira, CN Ferrol ou A.D. Fogar “, explican dende Ourense, destacando o alto nivel do campionato “cun gran número de nadadores absolutos”.
Mención especial merece o equipo feminino do CN Escualos que se clasificaba en sexta posición, destacando o salto de calidade do club esta tempada na que duplicaron o número de nadadores federados chegando ás 20 licencias FEGAN.
