O Centro Cultural Avenida acolle mañá a obra de teatro e maxia de Cayetano Lledó
Cayetano Lledó (produtor, distribuidor de teatro, ilusionista e actor) subirase mañá 27 de outubro ao escenario do Centro Cultural Avenida da Rúa para presentar en Valdeorras o seu espectáculo de teatro e maxia “Sherlock Holmes”. Nel, o famoso detective intentará resolver outro emocionante caso.
As xoias da “Mansión dos Patterson” foron roubadas. Como é lóxico sospeitase de todo o persoal que traballa na casa e de todo aquel que estivera preto o día do roubo. Por iso Sherlock botará man do público para descubrir ao culpable e recuperar as xoias.
A cita, para todos os públicos, será ás 18h.
