En portadaGalerías de fotosÚltima hora

Simulacro de emerxencia no Hospital Comarcal Valdeorras

Tiña lugar na mañá do 15 de decembro e nel participaban, xunto co persoal do centro, as distintas forzas e corpos de seguridade, como Policía Local, Protección Civil, Garda Civil, GES e bombeiros

Sons de sereas e chegada de vehículos de bombeiros, e tamén das forzas e corpos de seguridade. As persoas que se aproximaban ao Hospital Comarcal Valdeorras, no Barco, ás 11h. da mañá do 15 de decembro ficaban sorprendidas ante o movemento de medios de emerxencia que se despregaba no centro hospitalario. Parecía unha situación real, pero en realidade era un simulacro de resposta a un suposto incendio dentro das instalacións sanitarias.

“A iniciativa forma parte do Plano de Autoprotección do centro e seu obxectivo e promover o coñecemento das funcións de cada profesional, ante unha situación de emerxencia, mellorando súa preparación de cara a unha incidencia real, ademais de para mellorar o propio plano de autoprotección en función dos resultados do simulacro”, explican dende o Sergas. O simulacro comezaba coa simulación de activación da alarma de incendios e duraba preto dunha hora.

Nela participaban, xunto co persoal do propio hospital, as distintas forzas e corpos de seguridade, como Policía Local, Protección Civil, Garda Civil, GES de Valdeorras e bombeiros do parque comarcal.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close