Tamén no Hospital Público de Valdeorras soben os positivos de Covid con 2 ingresos na xornada deste venres 23 de xullo, 1 máis que onte, tal e como informa a Consellería de Sanidade (datos actualizados ás 18h. do 22 de xullo).
Deste xeito, todos os hospitais públicos da provincia teñen ingresos Covid. Ademais dos 2 no do Barco, hai un ingreso no Hospital de Verín en planta, e 47 (11 máis que onte) no Hospital de Ourense (1 deles en UCI). Tamén a Clínica Santa Teresa ten 1 ingreso por coronavirus en planta.
En total son 51 as hospitalizacións por Covid na provincia de Ourense, 13 máis que onte.