Repuntan os casos activos de Covid-19 en Valdeorras. Así, a comarca ten neste 7 de decembro un total de 68 (23 máis que o pasado venres, cando a Consellería de Sanidade facilitaba os anteriores datos, xa que nas fins de semana e festivos non se comunican), segundo os datos do Sergas actualizados ás 18h. do 6 de decembro.
Os municipios que rexistran aumento de casos son O Barco con 32 positivos (12 máis que o venres), Carballleda de Valdeorras con 1 positivo (ata agora estaba libre de virus), Petín con 4 positivos (3 máis que o venres), A Rúa con 7 (2 máis que o venres) e A Veiga con 15 (6 máis que o venres). Por contra, baixan os casos en Vilamartín, con 2 positivos (1 menos que o venres).
A cifra de casos activos mantense estable no O Bolo con 2 positivos e en Larouco con 5.
O único concello da comarca que se mantén libre de coronavirus é Rubiá.
En canto aos ingresos por Covid, o Hospital Público de Valdeorras rexistra 2 ingresos en planta, un menos que o venres.
