Os traballos en cinco áreas de ocio en parroquias do municipio lucense de Sober veñen de finalizar. As actuacións suman un montante total de 40.000 euros e contaron cunha subvención da Consellería de Presidencia da Xunta de Galicia, a través do Fondo de Compensación Ambiental.
Estas novas áreas de ocio que xa están dispoñibles dende hoxe “son un parque infantil e unha área biosaudable no lugar de Sistín do Mato; unha área biosaudable en A Carreira; un parque infantil en Campo de Anllo; unha área biosaudable en Campo de Bulso e un parque infantil e área biosaudable en A Airexa de Gundivós”, tal e como sinala o alcalde soberino, Luis Fernández Guitián. Asemade adianta “que tamén están en proxecto novas construcións similares noutras parroquias e lugares do Concello coa finalidade de axudar a mellorar a calidade de vida dos nosos veciños e veciñas”.
Fotos: Concello de Sober.
