O Concello de Sober vén de emitir un bando polo cal anuncia o peche das piscinas e do ximnasio municipal por mor do brote de Covid-19 no concello limítrofe de Monforte de Lemos.
Esta medida, afirma o alcalde, Luis Fernández Guitián, ten como obxectivo a prevención de posibles contaxios entre a veciñanza. Ademais, lembra a importancia do emprego da mascarilla, lavado de mans, e distancia social.