Dende o 3 de abril o municipio de Sober conta cunha nova centenaria. Trátase de María Pérez Arias, que onte luns celebraba o seu 100 cumpreanos na súa casa da Vacariza (Neiras).
Pasou o día coa súa filla, o seu xenro e os 3 netos que residen no seu mesmo domicilio. O domingo recibiu a visita do resto de fillos e netos e onte tamén a do alcalde, Luis Fernández Guitián, que lle entregou un ramo de flores en nome do Concello.
Sober conta a día de hoxe con 13 centenarios, 10 mulleres e 3 homes.
Fotos cedidas polo Concello de Sober.
