Sobrado (P. de Trives) vístese de gala na súa VII Festa Medieval

Na tarde do sábado 4 de agosto, tiña lugar un desfile polas adegas e a representación do Foral

Hai oito anos, a Asociación Cultural Folión de Sobrado decidía organizar a Festa Medieval que recrea, na primeira fin de semana de agosto, a anexión do Foral de Sobrado e do seu mosteiro á Coroa de Felipe II. E faino a través dun completo programa de dous días, nos que o pobo trivés regresa ao medievo, cun mercado medieval instalado na praza que dá cor ao pobo.

A celebración comezaba esta mañá coa apertura do mercado e a reunión de Damas e Cabaleiros na praza con posterior desfile de bandeiras polas adegas do pobo. Xa pola tarde tiña lugar a representación do Foral de Sobrado seguida pola cea ofrecida pola “Súas maxestades” e a representación de “El conde de burra regresa de las cruzadas” de José Cedena, adaptación teatral levada a cabo por veciños do municipio.

E xa na xornada de mañá domingo, 5 de agosto, ademais do mercado haberá un “yantar medieval”. Igual que en ocasións anteriores serán os xogos e torneos populares os que farán pasar unha boa tarde de domingo, a través dunha xincana con diferentes probas e carreiras polo pobo que os veciños comezan a engalanar días antes. O broche á festa será a temida e esperada Queima da Bruxa e a queimada, trala sentencia do Tribunal da Santa Inquisición que comezará en torno ás once da noite.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies