Na Biblioteca Municipal de Trives poderá verse este vindeiro venres 13 de setembro ás 17h. o espectáculo “Bolboretas” da narradora oral Soledad Felloza. Nel esta contadora compartirá as súas historias de mulleres e nenas que alzan o voo e chegan alto para “amosarnos un mundo sen violencia no que a igualdade é posible”, destacan dende o Concello de Trives.
Esta actuación, enmarcada no apartado da igualdade de xénero, vai dirixida ao público familiar, especialmente a nenos e nenas entre 4 e 12 anos. Serán “50 minutos cargados de gran simbolismo e emotividade”, segundo o Concello trivés. A entrada é de balde. Esta actividade forma parte do programa “Ler conta moito”.
