Charla técnica para comunidades de veciños na tarde do 17 de novembro no Barco
O Restaurante Fernando III do Barco acollerá o 17 de novembro ás 20h. unha reunión informativa sobre solucións para reducir sensiblemente o consumo de calefacción. A charla será impartida por José Manuel Rodríguez, arquitecto técnico-consultor e especialista en aforro enerxético.
No encontro abordaranse os distintos Sistemas de Illamento Térmico polo Exterior e pola cámara do cerramento para conseguir reducir substancialmente o consumo de enerxía de calefacción, eliminación de humidades e condensacións, ademais de tocar os sistemas de xeración de enerxía do alto/moi alto rendemento e a tramitación de subvencións/financiación.
