Dende Ribadeo ata Rebordans (Tui), pasando pola Feira do Pemento de Oímbra ou Ponferrada. Un ano máis o verán está sendo moi activo para a agrupación valdeorresa Son do Sil, que de novo forma parte do cartel musical das Festas da Encina.
O concerto será mañá, venres 6 de setembro, ás 00:00h. na praza Concello e no repertorio non faltarán temas clásicos nas súas actuacións, nin tampouco cancións novas (en castelán, galego, inglés e mesmo francés), incluídas no seu último disco e algunha que outra sorpresa.
